يا رب الدنيا إيه مالها
ومين وشوش وأوحلها
تبيع العيبة، والأخلاق
بمِخلَة تشد ترحالها
يا رب الدنيا إيه صابها
وإيه حاصل لأعصابها
عويصة المعضلة واحنا
سرحنا ف درس كُتَّابها
يا رب الدنيا وحشة بجد
لأبعد وصف واصعب حد
وكل ما اقول دي فيها جميل
تميل ميل قام عليه الحد
يا رب الدنيا قالعة الروب
ضمير أغلبها بقى معطوب
أبص يمينها اشوف مظاليم
أبص شمالها الاقي ذنوب
يا رب الدنيا سايقاها
وواخده الكل في هواها
ويوم ما نحسها هتوِد
تخض واشوفها ندّاهة
يا رب الدنيا مش جنة
كسورها كتير بـ100 هَنّة
بتجري وقت ما بنرتاح
ووقت ما نجري تستنى
يا رب الدنيا عايزة رسول
يعيد حق اتولد مقتول
ويحيي الرحمة من تاني
بعَدل ونور وخير وأصول
ــــــــــــــــــــــــ
عبدالله غباشي
المصدر : المقال نيوز
0 تعليق